Домэйн нэр бол таны бизнесийн цахим хаяг бөгөөд таны бизнесийг интернэтэд төлөөлөхөөс гадна и-мэйл хаягт ашиглагдаг.
- Жишээ нь веб сайтын хаяг www.tend.mn бол и-мэйл хаяг info@tend.mn, tuvshinbayar@tend.mn байх

Иймд домэйн нэрээ хүнд хоногшихуйц, хэт урт биш, "албан ёсны" байхаар сонгох нь зүйтэй юм.

Тохиромжтой домэйн нэрийг сонгоход тавигдах ерөнхий шаардлагууд:

Аль болох богино байх;
Ойлгомжтой үг, хэллэг ашигласан байх;
Компаний нэр буюу түүний товчлолыг тусгасан байх;
Тухайн үйл ажиллагаа, зорилго чиглэлд нийцсэн байх;
Утга санаа илэрхий байх;
Олны сайн мэдэх үг хэллэг ашигласан байх;
Хүнд хэлэхэд төвөг багатай байх;

Цээжлэх боломжтой байх;
Монгол үгийг латинаар буулган домэйн нэрээ авах;

Домэйн нэр нь нэр+цэг+өргөтгөл гэсэн бүтэцтэй байдаг. Нэр+цэг+өргөтгөл (tend.mn, google.com) гэсэн бүтцийг үндсэн домэйн нэр гэдэг. Үндсэн домэйн нэрийг багтаан дэд домэйн (subdomain) нэрүүд үүсгэх боломжтой бөгөөд бүтэц нь нэр+цэг+нэр+цэг+өргөтгөл гэсэн хэлбэртэй байна.
-Жишээ нь surgalt.tend.mn, uilchilgee.tend.mn

Өргөтгөл нь ямар чиглэлийн үйл ажиллагаа явуулдаг байгууллага болохыг илэрхийлж болохоос гадна ямар улсынх гэдгийг илэрхийлж болно. mn - mongolia (Монгол), jp - japan (Япон), ru - russia (Орос) г.м

Жишээ :

.com - commercial (худалдаа, бизнес),

.net - network (сүлжээ, хүмүүсийн холбоо),

.biz - бизнес,

.org - organization (ашгийн бус эсвэл төрийн бус байгууллагууд),

.gov - government (засгийн газрын, төрийн байгууллагууд),

.edu -education (боловсролын, сургалтын байгууллагуудын)

Ямар өргөтгөлтэй домэйн нэр сонгох вэ?

Ямар ч өргөтгөлтэй домэйн нэр сонгож болно. Өргөтгөлөөс шалтгаалсан давуу тал гэж байхгүй

.MN домэйн нэр

.mn нь Монгол улсыг төлөөлдөг country code top-level domain (ccTLD) домэйн нэрний өргөтгөл юм. Хэрвээ таны бизнесийн домэйн нэр .mn өргөтгөлтэй бол таны бизнес "Монгол улсынх" гэж дэлхий нийтэд ойлгогдоно.

.COM домэйн нэр

.com нь дэлхийн хамгийн их ашиглагддаг худалдааны (commercial) зориулалттай домэйн нэрийн өргөтгөл бөгөөд "main" TLD for domain юм. Үнийн хувьд .MN домэйн нэрээс хямд байдаг.